Hernani ondo ezagutzen al duzu? Udaleko turismo sailetik plan ederra antolatu dute Ostiral Santu egunean: ‘Hernani, erdi aroa eta sagardoa’. Ostiral goizean, bi ordu eta erdian egiteko moduko paketea da. Hasteko, bisita gidatua erdigunean; Kultura Ondasun gisa, Monumentu Multzo izendatua dago. Ondoren, tren berdea hartu, eta sagardotegietatik buelta; eta bidean, sagardoa dastatzeko aukera. Euskeraz izango da.
Paketea debalde egiteko aukera ederra da; hala ere, aurrez izena eman behar da eta horretarako azken eguna gaur da (arratsaldeko 15:00ak arte). Gutxienez 10 pertsonako taldea osatu behar da; eta gehienez, 20koa. Apuntatzeko hiru modu daude: Biteriko Turismo Informazio puntua; 943 33 70 28 telefonora deituta (Gurutze); edo emaila idatzita gurutze-a@hernani.net helbidera.
Tren berdean buelta egiteko tiketa hartu behar da, Biteri ondoko turismo bulegoan.
Tren berdea debalde, ostiral arratsaldean
Umeek ere beraien herria modu dibertigarrian ezagutzeko aukera jarri dute. Ostiral arratsaldean tren berdea hartu eta herrian barrena paseo polita egiteko aukera izango da. 23 minutu inguruko buelta da eta hiru ordutegi jarri dituzte: 16:45etan eta 17:45, euskeraz; eta 17:15 gaztelaniaz. Trenerako tiketa igo aurretik hartu behar da, turismo bulegoan.