Aste Santuan zehar, ekintza edo tailer desberdinak antolatu dituzte kiroldegiak eta kultur etxeak etxeko txikientzat. Urtero bezala, kiroldegian, Jolas-Txiki antolatu dute 2-4 urteko haurrentzat. Gaur izango dute azken saioa. Goizean elkartuko dira eta jolas desberdinak egingo dituzte. Psikomotrizitatea ere landuko dute. Kultur etxean berriz, 6-12 urtekoentzat eskulan tailerrak antolatu dituzte. Gauza desberdinak egiten ari dira: eskumuturrekoak eta lepokoak, cupcake gailetak... Datorren astean ere izango dira tailerrak.