Hernaniko PSE-EE alderdiak prentsa oharrean azaldu du «PSE-EE poztu egiten dela obrak egin egingo direlako, Hernaniko hezkuntza alorrak behar-beharrezkoak dituenak. Baina falta den bakarra da Eusko Jaurlaritzak zin egindakoa betetzea eta obrak urte honetan bertan hastea. Izan ere, Hezkuntza Kontseilariak azaldu duenaren arabera, inbertsioetarako aurrekontua %55 jaitsiko da».
Era berean, PSE-EEk EAJri esaten dio «ez urduritzeko hau-teskundeak gertu daudela eta. Gizartea ez dago interesatuta batak besteari egiten dizkion akusazioetan. Baina datuak datuak dira, eta gure eginbeharra da horiek defendatzea».
«Gutxiago esan eta gehiago egin»
Sozialisten hitzetan, «EAJk ez ditu datuak eta informazioa kontrastatu. Institutuko webgunean sartu besterik ez dago eraikin berriaren oinarrizko proiektua ikusteko, eta konturatzeko sozialisten gobernuak bultzatu zuela».
«Institutuko webgunean sartu besterik ez dago eraikin berriaren oinarrizko proiektua ikusi eta sozialisten gobernuak bultzatu zuela konturatzeko».
Bestalde, sozialistek diote EAJk gobernua lortu zuenetik «sozialistek 427 iniziatiba aurkeztu dituztela Parlamentuan, eta EAJk 2 besterik ez. Beraz, nor da hitz egin besterik egiten ez duena, eta nor, egin egiten duena?».