Hiru puntuko ez ohiko Plenoa izan zen atzo Goizuetan. Alde batetik, Udalbiltzak Euskal Herriko Udal desberdinetan aurkeztutako mozioa onartu zen. Aberri Egunari begira aurkeztua: Euskal Herritarrak gara eta ozenki adierazi nahi dugu. Mozio honekin, Goizuetako Udalak erabaki du Euskal Herritartasunaren aldeko herri dinamika sortzeko eta bultzatzeko deia luzatzea; kaleetan eta eraikinetan euskal ikurrak jartzeko gonbidapena luzatzea; oroimen historikoa berreskuratzea eta Herritartasun Agiri Ofizialaren beharra aldarrikatzea; Etxarriko herri kontsulta babestea; eta Gure Esku Dago herri dinamikarekin bat egitea.
Bestetik, Zangozako Manifestua onartu zen, Esako urtegia haunditzearen aurka. Eta azkenik, bake epaile berria ere izendatu zuten.