Atzo bukatu zen XIX. Dantzari Festa, Dantzari Txikien egunarekin. Eguerdi partean Ttarlako dantzariak atera ziren kalera, urte osoan ikasitakoa erakustera. Jende asko bildu zen haien inguruan, ikusmiran, buelta osoan zehar. Arratsaldean berriz atera ziren herriko dantzari gazteak, Gipuzkoatik etorritako beste 6 dantza taldetako dantzariekin batera. Iluntzean, erromeriak eman zion azken brotxea Dantzari Festari, eta agur esan zioten, datorren urtera arte.