Extremadurako XXII. Jardunaldiak ospatzen ari dira asteburu honetan. Atzo bideo emanaldia izan zen Biterin, eta gaur, berriz, egun osoko festa izango da Atsegindegin.
Goizeko 10:00etatik aurrera hainbat postu izango dira, Extremadura dastatu eta gozatzeko: bertako jaki gastronomikoak, Las Hurdeseko eta Guadalupeko esku langintzako erakusketa, eta liburu eta turismo propagandaren postua.
Bestalde, Donostian egoitza duen Extremadurar Zentroko Virgen de Guadalupe dantza taldea ikusteko aukera ere izango da, bi saiotan: eguerdiko 13:00ean lehenengo, eta arratsaldeko 18:00etan, gero.
Aukera ezinhobea gaur, Extremadura ezagutzeko.