«Argazki bilduma bat baino gehiago da ‘Edipotoa’»

Edozein ontzi hartu, barruan material fotosensiblea sartu, hau da, argiarekin erreakzionatzen duena, eta ondo itxi. Eta bukatzeko, zulo txiki bat egin, argia sartzeko eta kutxa ba­rruan proiektatzeko. Horiek di­ra kamara estenopeiko bat egi­te­­ko instrukzioak. Na­gore Le­ga­rreta argazkilari hernaniarrak ur­teak dara­mazki teknika ho­ne­kin, munduan ba­rrena ar­gaz­kiak ateratzen. Modu primitiboa da, bai, baina argazkiek itxura berezia har­tzen du­tela dio Le­ga­rretak: «argazkia osatzeko denbora luzea behar da, eta gauzak mugimenduan ate­ratzen dira. Garbitasun fal­ta, ahutsa eta zikinkeria ere su­ma­tzen da prozesu honetan. Iru­diak garai bateko argazkien antzekoak dira; amets puntu bat dute».

Aurreneko edizioa, agortuta
Azokak, monumentuak, hon­dar­tzak, itsasertza... biltzen ditu Edipotoa liburuak. Na­go­re Legarretak kamara esteno­pei­karekin egindako lehen argazki bildumak biltzen dira ber­tan. Baina argazki bilduma bat bai­no zerbait gehiago da Edi­potoa.  Bilduma bakoitzak idaz­­le ba­ten hitzak ditu, argazki horrek esaten diona azal­tzen duten ida­tziak. Gorka Se­tien, Haizea Arregi, Lainon, Juan­­bau, Eraus­­kin eta Mikel Pe­rua­renaren hitzak irakurri daitezke. 
2011ko abenduan argitaratu zen aurreneko edizioa, eta be­ra­hala agortu ziren 200 aleak. Bigarren edizioa argitaratu ber­ri dute, eta Hernanin, Do­bera Euskara Elkartean da­go salgai, 10 euroan. Baita ere erosi likete Donostiako Kaxil­da liburudendan eta IVASFOTen; Irungo Kabigorri aretoan; eta www.banizunizuke.com web orrian. 

Kamara berriarekin Indian barrena, bigarren urtez
Ontzi zilindrikoak lehendabizi; bi ontzi haundiago ondoren; b­i­daia­tzeko poxpolo kaja bat... eta orain, komunioko argazki ka­­ma­ra moldatua. Kamara es­te­no­peika asko egin eta erabili di­tu Nagorek. Argazkilaria­ren be­ha­rretara egokitzen di­ren ka­ma­rak direla dio Le­ga­rretak; az­ken moldaketa, In­dia­ko bi­dai­ra­ko egin du. Joan den irailean izan ziren Rajasthan in­guruan eta aste honetan Ve­na­resera joa­nak dira, munduko hiri za­ha­rrenetakora. Ikas­lee­kin egin ditu bi bidaia hauek Le­ga­­rretak: «bidaian zehar ari­ke­tak egiten ditugu, argazkiak ate­­ra. Argaz­kiak gauetan deskargatu eta hiru egunetik behin proiektatu eta mahai inguruak egiten ditugu. Buel­tan erakusketa jarriko dugu, argazki ederrenekin».