Autokroseko Txapelketa Nazionalean duen guztia emateko gogoz bidaiatu du Lleidara Iker Lujanbiok. Autocross Ciutat de Lleidan jokatuko da txapelketako bigarren proba, eta aurrekoan lortutako bederatzigarren postua hobetzea du helburu. Nahia ordea, podiumera igotzea da. Kotxea punttuan jartzea lortu du piloto hernaniarrak, joan den astean egindako testen arabera: «hobekuntza hauei esker, karrerako erritmoa mantentzea lortu nahi dugu».
Silver Car taldeko piloto ofiziala da Lujanbio, eta Espainiako Top Ten sailkapenean dago, 10 onenen artean beraz.