Astelehen eta asteazkenero, gutxik failatzen duten hitzordua izaten dute Galtzaur jubilatu elkartean: Bingo saioa. Gaur ere bertan elkartuko dira linea eta bingoak kantatzeko gogoz. 5 xentimora izaten da kartoia. Ordu aldaketarekin, 18:00etatik 20:00etara izaten da; negu partean, berriz, 17:30etatik 19:30etara.
Ekintza ugari
Bingoaz gain, beste hainbat ekintza ere antolatzen ditu jubilatu elkarteak. Ostegun arratsaldetan, adibidez, esku lanak egiten dituzte. Eta egoitzatik kanpo, irteera ugari ere bai. Apirilaren 26an bertan, eskursioa antolatu dute Eltziegora (Arabar Errioxa). Egun pasa joango dira.