Zazpi kamaretako irudiak webgunean, denen eskura

Añarbeko urtegian egin diren hainbat aldaketen berri eman zuten atzo, prentsaurrekoan Nora Galparsorok, Añarbeko Uren Mankomunitateko Le­hen­dakariak, eta Enrique Noainek, Añarbeko Urak S.A.-ko lehendakariak.

5 pauso, 2011ko uholdeen ondoren
2011n jarri zen martxan proiek­tua, uholdeek Urumea er­tze­ko bizilagunengan sortu­ta­ko kez­ka eta haserrearen ondoren. Or­dutik, bost pausu ga­rrantzitsu eman dituztela azpi­marratu zuten, he­rri­ta­rre­kiko gardentasunez jokatzeko eta informazioa denen eskura jartzeko. Azkenekoa, urtegian kamarak jartzea izan da. Lehendik ere jarrita zeuden bi kamarei beste bost gehitu dizkiete. Orain, www.añarbe.es webgunean sartzen den edo­nork ikusiko du, momentu errealean, zein den urtegiaren egoera, zein ate dauden itxita eta zein irekita...
Gainontzeko hobekuntzak: bizilagunei urtegiaren egoe­ra­ren parteak bidali; bisita gi­da­tu­ak antolatu urtegira; ur erre­serba haundia gordetzeko au­kera lortu; eta ateak itxi eta ur kantitate haun­diagoei eusteko aukera lortu, uholde kasuetan.
Azaldu zuten «urtegi baten helburua ez dela uholdeak ez gertatzea, baizik eta herrita­rren­tzat ur hornidura berma­tzea», baina «kezka ulertzen dugu, eta gardenak izan nahi dugu».

Portuko auzotarrak, bisitan
Dagoeneko 200 pertsona in­guruk bisitatu dute urtegia arduradunen hitzetan, eta laster, Portu auzoko bizila­gu­nak ere bertan izango dira.