PSE, EAJ eta PP alderdiek onartu egin dituzte Denis Itxasok San Marko mankomunitatean aurkeztutako aurrekontuak, eta hauei helegitea jarri diete Hernani, Astigarraga, Lezo, Pasaia, Usurbil eta Oiartzunek. Honen berri emateko prentsaurrekoa eman zuten herri horietako alkateek pasa den asteazkenean.
«Zigortu egin nahi gaituzte»
Astigarragako eta Lezoko alkateek hitz egin zuten asteazkenean, helegitea jarritako udalerri guztien izenean.
Azaldu zuten Denis Itxasok aurkeztutako aurrekontuen arabera, «atez ateko bilketa egiten dugun mankomunitateko herriok, gure bilketaz gain, edukiontzi bidez egiten duten gainerako udalerrien bilketaren ordainketan ere parte hartu behar dugula».
Gaineratu zuten «Hernani, Usurbil, Lezo, Astigarraga, Oiartzun eta Pasaiako herritarrak Donostia, Urnieta Lasarte eta Errenteriko bilketaren parte bat ordaintzera zigortu nahi dituztela», eta, bestalde, «Denis Itxasok 5garren edukiontziaren kosteak ere San Marko mankomunitatea osatzen dugun udalerri guztien artean banatu nahi dituela». Honen eraginez «hernaniarrek dagokiena baino 114.000 euro gehiago ordaindu beharko dituzte».