Sagar Martxa, Tren Berdea eta Erdi Aroa

Udaleko Turismo Sailak 3 proposamen prestatu ditu her­na­niarrentzat, Aste Santu­ko oporraldirako. Horietako bat, iganderako: Sagar Mar­txa. Beste biak, berriz, ostiral eta larunbat santurako dira.   

Sagar Martxa, igandean
Etzi Sagar Martxa egingo da. 09:30etan jarri da elkartzeko zita Gu­darien Plazan, eta Portu auzora abiatuko dira ibilbidea bertatik hasteko. 
Ibilbide erraza da, 8,6 km-takoa (2 ordu inguru), ume­ekin egiteko modukoa. Portu­tik Osi­ñagara joko da, eta Oindiren ba­besean, baserri eta sagar­do­tegien inguruan egingo da buel­ta: Loidi, Pardiola, Las­ta­o­la-berri, Elorrabi, Iparragirre, Altzueta... Akarregi sagar­do­te­gi­an gosaltzen (norberak era­man­dakoa) bukatuko da irteera.

‘Hernani, Erdi Aroa eta sagardoa’ paketea, eta trena
Ostiral santuan, hilak 18, eus­keraz, eta larunbatean, hi­lak 19, gaztelaniaz, doa­neko paketea es­kainiko zaie hernaniarrei: Hernani, Erdi Aroa, sagardoa. 10:15etan Bite­riko turismo ka­setan hasi, eta bi ordu eta erdiko bisita gidatua  egingo da kaxkoan. Ondoren, Tren Ber­dean sagar­dotegi batera joan eta sagar­doa dastatzeko aukera izango da. Guztia doan, baina au­rretik izena emanda. Apiri­laren 15ean bukatuko da epea: 943 33 70 28 /  gurutze-a@hernani.net.
Bestalde, ostiral santuan, doan baina aurretik tiketa hartuta, Tren Berdean ibiltzeko aukera izango da; 23 minutuko paseo polita, herrian zehar. 16:45etan eta 17:45etan eus­ke­raz, eta 17:15etan gaztelaniaz.