Azken zortzi urtetan martxan egon dira Karbonera etxe okupatua eta Ikatza Liburugunea. «Desalojo arriskuan» daudela diote, baina, hala ere, 8garren urteurrena ospatzen jarraituko dutela. Larunbat honetan egingo da festa, hain zuzen.
Bertso-bazkaria izango da larunbatekoa.
Eguerditik aurrera, festa
Eguerdiko 12:00etan hasiko da jaia larunbatean, Karboneraren aldeko kalejirarekin, eta 14:30etan bertso-bazkari herrikoia egingo da Itxaso Paia, Maddi Gallastegi eta Izar Mendigurenekin. Gaur da azken eguna bazkari horretarako txartelak erosteko, 5 eurotan, Uru, Goiz Argi eta Garin tabernetan.
Bazkalondoan festak jarraitu egingo du euskal kantuen bertsio rondarekin, Karbonerako irudi proiekzioarekin, Señoritas de Moral Distraidarekin... Eta gauean ere izango da zerekin gozatu: luntxa, Olor Vagina eta Txikifistra-Ministrarekin dantza saioa eta beste hainbat sorpresa.