Gutxigatik, baina ihes txapelak hernaniarrei

Gaizki hasi zen partidua hernaniarrentzat, eta erre­montada polita egin bazuten ere, azkenean, txapela Su Berriko bikoteak eraman zuen.
Iluntzeko 20:00etan hasi zen partidua ostiralean, Donostiako Gaska frontoian. Amaia Irazustabarrena eta Goiatz Manzisidor berehala jarri ziren galtzen, 2 eta 8, Su Berriko Garmendia eta Abu­ruzaren kontra.
Hortik aurrera, ordea, erremontada polita egin zu­en bikote hernaniarrak. Mar­­­kagailua oso modu pare­tsuan igo zen 20 tantotara. Baina berdindu ondoren, Su Berriko bikoteak berriro egin zuen gora, eta hernaniarrek ezin izan zuten gehiago egin txapela etxera ekartzeko. 23-30 galdu zuten, ondo bo­rrokatu arren.