Okupatutako Palestinan irakasle lanetan aritu den emakumea da Khitam Sa’afin, eta gaur egun, Palestinako Emakumeen Lantaldeen Batasuneko (UPWC) presidentea da.
Hain zuzen, bere esperientziaren eta emakume palestinarren esperientziaren berri emango du gaur, 19:30etan Biterin. Hitzaldia, Mundubat erakundeak eta Hernaniko Udalak antolatu dute.
«Emakume palestinarrak beren askatasunaren alde borrokatzen dira».
Palestinako emakumeen ikuspegi ezkertiarra
Palestinako Emakumeen Lantaldeen Batasuna (UPWC) 1980an sortutako erakundea da, eta okupatutako Palestinako emakumeekin egiten du lan, ezkerreko ikuspegitik.
Erakunde horretako presidentea da gaurko hizlaria, Khitam Sa’afin, eta beti ibili da Palestinako askapenaren alde borrokan eta bertako emakumeen eskubideen alde lanean. Bere ustez, lotura sakona dago emakume palestinarren eskari nazional eta sozialen artean. «Emakume palestinarrak beren askatasunaren alde borrokatzen dute, beren herriak egiten duen moduan, eta ez dira geldituko erabateko askatasuna lortu arte».
BDS, Israel zigortzeko kanpainako batzordeko kidea ere bada Sa’afin, eta nazioarteko hitzaldietan ere parte hartzen du. Gaurkoan, Hernanin egongo da, 19:30etan Biterin.