Udaletxeko balkoian bandera espainiarra jartzeko aginduaren aurrean, ikurriñari omenaldia egingo diote larunbatean, ikurriñaren aldeko herri ekimenak deituta. Inposaketen gainetik, geurea ikurriña!!! lelopean izango da. Eguerdiko 12:30etan izango da Foru plazan. Dantza, manifestuaren irakurketa, argazkia, mosaikoa eta pintxoak antolatu dituzte.
15 eragileren babesa
Astigarragako 15 eragile eta taldek egin dute bat larunbateko deialdiarekin. Honakoak dira: AEK, Aiztondo, Astigar, Astigarragako Gazte Asanblada, EH Bildu, Emarri, Ernai, Gaztelokala, Goldea, Honek, Mundarro, Xaguxar, Zero Zabor, Zipotza kultur elkartea eta Astigarragako Herria.