Eskursio ederra antolatu du Galtzaur jubilatu elkarteak Eltziegora (Arabar Errioxa). Apirilaren 26an egingo dute egun osoko irteera eta joan nahi dutenek apuntatu egin behar dute. Apuntatzeko egunak: gaur, apirilaren 7an eta 8an (10:00-12:30, egoitzan).
Plana, honakoa da: 11:00ak aldera iritsiko dira Eltziegora eta hamaiketakoa izango dute zain. Ondoren, 45 minutuko bisita gidatua egingo dute eta 13:30etan bazkaltzera joango dira. Bazkalostean, berriz, bailea. Eta etxera bueltatu aurretik, bodega batera bisita antolatu dute, nahi duenak ardoa erosi dezan. Prezioa: 35 euro bazkideek eta 40 euro bazkide ez direnek.
Bestalde, Benidormera joango dira ekainean eta plaza batzuk libre daude. Gaur da apuntatzeko azken eguna.