Hiru jardunaldiren faltan, Hernanik esku-eskura du mailari eustea. Horretarako, ordea, puntu batzuk falta ditu oraindik. Gaurko partiduan zaila izango da puntu horiek lortzea, baina ez ezinezkoa. Lehengo asteburuan lan bikaina egin zuten hernaniarrek 17 puntuko aldeari buelta emanda, baina azken minutuan Atletico Madrid nagusitu zen. Arantza hori ateratzeko duten gogoak indarra gehituko die gaur, Madrilen Cisnerosen aurka jokatzeko. Hala ere, zuhur jokatu beharko dute. Izan ere, Cisneros Hernanirekin batera igo zen lehenengo mailara orain bi urte, eta ikaragarri hobetu du jokoa: sailkapenean bigarren postuan dago eta play offak ditu helburu.