Bermeoko bokalean harrapatu omen dute gehiena, eta berdela kolpean sartu da arrandegietara. Hernaniko arrandegietan bi aste bazeramazkiten berdela saltzen, baina orain merke saltzen ari dira, kopuru haundian sartu delako generoa. Tamainaren arabera, 4-5 euro artean egon da berdela, egunotan; haundienak 500gr ingurukoak, pieza politak.
Kupoaren erdia harrapatua euskal arrantzaleek
Oraindik ere izango da berdela arrandegietan, baina arrantza barkuek martxa honetan azkar bukatuko dute kupoa. Europak jartzen ditu kopuruak, eta urtean hainbeste berdel harrapatu litzake euskal flotak, gehienez. Erdia harrapatua daukate, eta beste erdia falta. Asteleheneko martxan, ordea, barku guztiak goraino beteak sartzen badira, azkar bukatuko dira aurtengoak. Gainera, horrek produktua asko merketzea ekarri du (lonjan 0,7 euro inguru ordaindu zen kiloa), eta zenbait portutan erabaki dute, egun batzutan berdelik ez harrapatzea; Honda-rribian eta Getarian, esate-rako. Pasaian berriz, egunero sartu da berdela.
Amaia arrandegian diote garrantzitsuak izaten direla urteko hiru kanpaina nagusiak. Berdelarena motxa baina betea izaten ari omen da. Bat bukatu eta bestea hasi. Hurrengo kanpaina kasik inportanteagoa izango omen da, gainera: antxoarena.