Hernaniko lantegirik garrantzitsuenetakoa izan zen bere garaian, eta 104 langile izateraino iritsi zen. 1966an sortua, 40 urtetik gora pasa ditu Hernanin, Hexion enpresak erosi eta lekuz aldatu zuten arte, anpliatzeko lekurik ez zegoelako. Astelehenean hasi ziren botatzen Hexion enpresa, hasieran IQU zena, eta gero Bakelite. Bere garaian 104 langile izateraino iritsi omen zen, eta batez ere materia prima produzitzen zuen, bai fundizio sektorerako eta gerora bakelita sektorerako. Fenola eta formola hartu eta erretxin hautsa produzitzen zuten. Hainbat eta hainbat hernaniarren lantoki izana, eta denen memorian geratuko dena, hemendik aurrera.