Julian Ezeiza hil zen atzo, Aterpe bertsolaria, 84 urte zituela, Aterpen, bere baserrian. 1929an Balantxa baserrian jaioa, Hernaniko bertsolaritza ia galduan zegoenean heldu eta berpiztu zutenetako bat da Aterpe.
Txiki-txikitatik bertsotarako afizioa izandakoa, eta memoria harrigarrikoa, bertsoak buruz ikasten omen zituen. Karmelo Labaka apaizak Atano IIIari jarritako 165 bertsoak buruz ikasiak omen zituen, besteak beste. Frankismo ondorengo urteetan, bertsoa ia desagertuan zegoenean, plazaz plaza ibilia, herriko auzoetako festetan, errondetan, xoxik kobratu gabe, Antton Garin laguna ondoan zuela. Hernaniko Txapelketa irabazi zuen, eta Usurbilen kontrako apustu famatuan bera ere tartean zen, Galarretan, 1.000 ikusleren aurrean. Antton Garin eta Aterpe 2005ean omendu zituen Iraulio Panttalone bertso eskolak eta 2011n Tolarea Sagardoaren Kofradiak.
Elizkizunak, gaur, 19:00etan, San Joan Bataiatzailea parrokian.