Urtero bazala, ongi-etorria eman nahi die Udalak aurreko urtean jaiotako astigartarrei eta Zuhaitz Eguna antolatu du. Bihar izango da. Iaz 79 ume jaio ziren Astigarragan eta ume horien gurasoek astigar bana aldatzeko aukera izango dute. Hala, umeak eta zuhaitzak elkarrekin hazi eta batera botako dituzte sustraiak Astigarragako lurretan.
Eguerdiko 12:00etan izango da iazko leku berean: Taula baserritik gora, Larraburu baserri inguruan dagoen zelaian. Udalak parte hartzeko dei egiten die gurasoei.
Ahal bada oinez eta aitzurrarekin
Kotxeentzat leku askorik ez denez izango, ahal bada oinez joatea gomendatu dute eta baita aitzurra eramateko ere.