Astebeteko egitaraua, dantzarako

euskal dantzek girotuta, as­tebeteko festa antolatu du San Joan Konpartsak. Apiri­­la­ren 5etik 12ra Dantzari Festa izango da Hernanin.

Erromeria, hiru egunetan
Dantza emanaldiak ikusi ba­karrik ez, herritarrek parte har­tzea ere bilatzen du Dan­tzari Festak, eta aurten hiru erromeria antolatu dituzte. Datozen bi larunbatetan, Plaza­ Berrin: Alaken taldeak giro­tu­ko du aste honetakoa eta Jeiki Hadik datorren astekoa. Igandean berriz, herriko kaleetan zehar egingo dute erromeria.
Talde ugariren partaidetza
Oihartzun haundia du Her­na­nin egiten den Dantzari Fes­tak eta Euskal Herriko txoko ezberdinetako taldeek ez dute hutsik egiten urteroko zitara. Igan­dean egun haundia izan­go dute. Auzoz auzo dantzan ibi­liko dira Gipuzkoako 8 talde, Nafarroako 3, eta Ara­ba, Bizkaia, Gipuzkoa, Zu­beroa eta Behe Nafarroako bana; euria egiten badu, Biterin dantzatuko dute. Ondoren, jendetza era­kartzen duen Ikurriñaren dan­tza egingo dute Plazan.
Dantzari Festaren azken egunean, apirilaren 12an ere, Gipuzkoako 7 taldeko dan­tzarien bisita espero da; ka­su horretan, dantzari txi­kiak izango dira. Erdiguneko kaleak girotuko dituzte; euria ariko balu, Atsegindegin.

Hitzaldia eta erakusketa
Dantzari bakarrik ez, janz­ke­rari ere  garrantzia ematen dio San Joan Konpartsak, eta ur­tero antolatzen ditu honen in­­guruko ekintzak. Aurten Eus­­kal Jantzien erakusketa egon­go da ikusgai Biterin,  apiri­la­ren 7tik 11ra. Bestalde, ba­se­rri­tarren janzkera gai­tzat har­tuta, hitzaldia antolatu dute, apirilaren 9an, Biterin.

APIRILAK 5
19:00 Erromeria Plaza Berrin.
Alaken taldearekin

APIRILAK 6
11:00 Kalejira Hernanin barrena
Ondoren Dantza Ekitaldia Her­naniko auzo eta kaleetan
13:30 Ikurriñaren dantza,Plazan.
15:30 Bazkaria, Atsegindegin
18:00 Erromeria kaleetan zehar

APIRILAK 7 - 11
17:00 -20:00 Euskal Jantzien
erakusketa, Biteri kultur etxean. Antolatzailea: Iraultza

APIRILAK 9
19:00 Hitzaldia: Baserritarren
janzkerak. Biterin.

APIRILAK 12
12:30 Irteera eta dantza emanaldia, erdiguneko kaleetan Ttarla Dantza taldeko txikiekin.
17:00 Dantzari txkien irteera eta dantza emanaldia.
19:00 Erromeria.