Goizutrail mendi maratoi erdia (21,4 km) antolatu dute aurreneko aldiz. Mandoegi igo eta jaitsi beharko da. Maiatzaren 17an izanen da eta izen ematea zabalik dago. Internetez eman daiteke izena kirolprobak.com helbidean. Izen ematea, aurrez, 20 euro da. Goizuetan bizi direnentzat edo erroldatuentzat, 15 euro. Egunean ematen dutenentzat, berriz, 25 euro. Horrez gain, eskaintza berezia prestatu du Zubimuxu aterpeak kanpotarrentzat. Bezperatik joanda: afaria, gaua, gosaria eta izen ematea, 50 euroan. Lasterketa goizeko 09:00etan hasiko da.