«Akordio politikoak behar dira gure kontra erabili diren neurriak indargabetu eta berraztertzeko»

Euskal Iheslari Politikoen Kolek­tiboak hartutako era­bakien berri emateko hitzal­dia an­tolatu dute asteazke­nean, api­rilak 2. Udal Are­toan eman­go dituzte azal­pen guz­tiak, iluntzeko 19:00­etatik au­rrera. Kronikara bida­li­ta­ko oharrean, Euskal Ihes­la­ri Politikoen Kolektiboak egin­da­ko adie­raz­pena erantsi dut­e. Bertan diote, konpon­bidea egituratu eta iheslariak etxe­ratzeko garaia heldu dela.

«Sorterritik sorterrira»
Euskal iheslarien kolektiboa anitza eta zabala dela esanez hasten dute oharra: «arrazoi politikoengatik eta jazarpe­nagatik, mendeetan asko izan dira Euskal Herritik ihes egin behar izan duten he­rritarrak». Errepresio estra­te­giak nazioartean zabaldu direla diote: «ia kontinente guz­tietan, Estatu ugarietan, egoera juridiko ezberdinetan, kokatua dagoen kolektiboa gara. Euskal iheslarien auzia nazioarteko bilakatu da».

«Ekarpena egin nahi dugu»
Gatazkaren gaiari helduta dio­te, konp­on­bidearen alde­ko ini­zia­tiba politiko ezberdi­nak bul­tza­tu eta aldarrikatu izan di­tuz­­tela: «gure giza es­ku­bi­deak eta bizi duin­ta­suna ziur­tatzeko bi­tartekoak jarri ditu­gu eta no­ra­bide ho­rretan, na­zioarteko era­gile eta per­tsona askoren el­kar­ta­suna jaso du­gu. Horrek ko­lek­tiboa egin gaitu. Eka­r­penak egin nahi d­itugu Euskal Herriak bizi duen gatazkari soluzio de­mokra­ti­koa ema­te­ko, inork ge­hiagok arra­zoi poli­ti­koak medio, gure he­r­ritik ihes egin behar ez dezan»

«Neurri errepresiboak baztertu behar dira»
Diote, azken urteetan ga­tazka politiko armatuaren kon­pon­biderako urratsak eta erabaki garrantzitsuak eman direla, eta  iritsi dela garaia ihes­larien kolektiboaren kon­­tra­ko neurriak bazter­tzeko: «Besteak beste, ETA era­kundeak behin betiko egin dio uko borroka armatuari eta horrek gatazkaren izaera armatua beste parametro batean kokatu du. Egoera be­rri honetan akordio po­li­ti­koak behar dira, gure kontra modu berezian hartu diren neurri errepresiboak baz­ter­tu, indargabetu eta ber­raz­tertzeko». Bide horretan, lau es­kaera egin dituzte: «tor­tura bidezko deklarazioetan oina­rritutako atxilotze agin­duak, eu­roaginduak eta es­tra­di­zioak bertan behera uzt­ea. Ar­txibatuta edo bukatuta egon beharko luketen pro­zedura judizialak bertan be­hera uz­tea. Iritzi, adierazpen eta el­kartze eskubideen aur­ka ire­kitako prozedura ju­di­zialak eta ondorioz era­to­rri­tako atxilotze eta euroagin­duak bertan behera uztea. Eta munduko herrialde ezberdi­ne­tan deportatuta dauden euskal herritarren mugi­men­du askatasuna bermatzea».
Iheslarien egoera azaltze aldera diote, batzuek harrera estatuen naziotasuna edo errepresaliatu politikoaren es­tatusa dutela; gehienek ordea, ez dutela inongo ai­tortzarik: «euskal herritarrak gara, eta euskal jendarteari eta agintari politikoei dagokie neurriak hartzea, gure bizitza duina izan eta oi­na­rrizko eskubi­deak ziurta­tu daitezen». Bu­ka­tzeko diote, soluzioa sus­trai­ko arra­zoi politikoei eta ondorioei soluzioa ematetik etorriko dela: «hala adierazi du euskal gehiengoak. Kon­pon­bide ga­raia da, Euskal Herriari itxa­ro­penez begiratu eta inork ge­hiago bere sor­te­rritik ihes egin behar ez dezan».