Urrezko lingote faltsuak egiteko tailerra desegin du Ertzaintzak Hernanin, eta hiru gizon atxilotu ditu

Urrezko lingote faltsuak egin eta saltzen zituen iruzurgile sa­rea de­segin du Ertzaintzak. 70 ur­te­ko tal­deburuak tailer klan­des­ti­noa zuen He­rnaniko etxe batean eta ber­tan egiten zituen piezak.

Lingote faltsuak egin eta saldu
Ertzaintzaren ara­be­ra, 100 gramoko lingote fal­tsuak egiten zituen buruak ber­tan, egiaz, tungstenoz eginak zeu­­­de­nak; urrearen an­tzeko den­tsi­ta­tea duen ma­teriala, eta askoz mer­keagoa dena. Lingo­teak 24 kilatezko urre geruza fin batekin estaltzen zituen eta be­hin pieza bukatuta, beste ko­laboratzaileen lagun­tzarekin sal­tzen zituzten Eus­kadiko sek­toreko saltoki eta bitxi-dendetan. Ertzaintzak ja­ki­narazi duenez, tal­deburuak ondo ezaguna zuen bitxien ne­gozioa eta agiri fal­tsuak era­bilita, 2000-3000 euro ar­teko pre­zioan sal­tzen zituen lingoteak.

Ertzaintzak salaketak jaso di­tu azken aldian Donostiako eta Irun­go sektoreko hainbat sal­to­kie­tatik; eta antzeko saiakeren be­rri ere izan du Gipuzkoako bi­txi dendetan. Euskadiko beste pro­bintzietan ere, antzeko ka­suak izan dira. Joan den astean Do­­­nos­tiako saltoki batek abisua eman, eta iruzurgile sareko bat atxilotu zuten. Ondoren egin­da­ko ikerketei esker eman zuten Hernanin tailerra zuen tal­de­bu­ruarekin. Tailerrean bitxi fal­tsuak egiteko beharrezko guztia zuen, nortasun agiri fal­tsuak, Es­painiako saleros­ketarako den­dei buruzko oha­rrak... Hauek eta iru­zurgile sareko gainerako atxilo­tuak ostegunean geratu ziren epai­leen. Ikerketak zabalik jarraitzen du EAE osoan.