«Berezitasuna da, hernaniar gehienari, %33ri, Donostia jartzen diola jaioterrian»

Hernanik 19.732 biztanle ditu.  Zein da herritar horien ja­to­rria? Aztikerrek Hernani ani­tza, jatorri anitz, herri bat ikerketa egin du, Hernaniko Uda­lak eskatuta, eta oste­gu­ne­ko aurkezpenean eman zituz­ten datu guztiak. Egindako ikerketatik ateratako datu berezi edo esanguratsuena da, hernaniar gehienak, %33ak, Do­nos­tia duela jaioterri bezala. Arrazoia da, garai ba­tean Ospitalean jaiotzen zi­renak Donostian apuntatzen zirela. Horren ondorioz, Hernaniko Udalerrian jaio­ta­koen datua txikiagoa da: %32ak du Hernani jaioterri gisa.

Gipuzkoaren atzetik, nafarrak gehienak
Jatorri aniztasunarekin segita, hernaniarren %78a euskal herritarra dela diote datuek. Baina nondik etorri dira gehien? Gipuzkoatik etorri­ta­koak dute portzentai haun­diena, %73,7a hain zuzen. Eus­kal Herriko gainerako pro­bin­tziak kontuan izanda, Na­farrek izan dute nabarmen, Hernanirako tiradizo gehien: 556 nafar daude Hernanin. Atzetik, 200 bizkaitar, 57 ara­bar, eta Iparraldeko 21.

Atzerritar gehienak, espainiar estatutik etorriak
Hernaniarren %22a atzerritik etorriak dira. Horietatik ge­hie­nak, %13,9a espainiar estatutik etorriak dira. Gehienak in­dustrializazio garaian etorri ziren Hernanira, batez ere Extremaduratik, Caceres eta Badajoz hain zuzen. Oraindik ere, Espainiako inmigrazioa ba­dagoela azaldu zuten.
Jatorria kontinenteka az­ter­tuz gero, nabarmen, Europatik etorritakoak dira asko: %16,2a. Gehienak, portugaldarrak dira. Azt­i­ke­rrek azpimarratutako beste da­­tuetako bat da, erru­ma­nia­rren saldoa positiboa izan dela az­keneko urtean, eta hori errol­datu izanaren sei­nale izan daitekeela.  Inmigrazioa­re­kin ja­rrait­u­ta, europearren atze­tik ameri­ka­rrak dira ge­hie­nak %3,9a. He­rrial­deei erre­paratuta, hego ame­ri­karrak di­ra horietatik asko, ba­tez ere, Ekua­dorretik eto­rriak. Atzetik dira afrikatik etorritako herri­tarrak: %1,3. Kasu honetan, Ipar Afrikatik etorri dira ge­hienbat, Argelia eta Marokotik. Azkenik, Asiatik eto­rri­ta­ko 71 lagun bizi dira Her­na­nin, eta Ozeaniatik etorritako 2.

Espainia eta Frantziatik etorriak, denbora gehien
Inmigrazioarekin jarraituta, Hernanin denbora luzeena daramakiten herritarrak Es­pai­niatik edo Frantziatik eto­rriak dira; %71,9a, 1990a baino lehen etorri ziren. Bestelako jatorriei dago­kie­nean, 1990 urtearen aurretik hasi ziren iristen, eta hamarkadaz ha­markada, hazten joan den joera da.

Lau fluxu edo joera, nabarmentzeko
Ikerketa eginda, Aztikerrek ate­ratako konklusioen ara­be­ra, lau fluxu edo joera izan dira orain arte Hernanin: lehena, Espainiatik iritsitakoena. Mul­tzu nagusia 90garren hamar­kadan etorri zen, eta ordutik jaisten joan den joera da. Segidan, Euskal Herriko beste lurraldeetatik etorritakoak; hazten ari den joera da hau. Hirrugarren tendentzia da, Gipuzkoatik etorritakoena. Kasu honetan, joera nahiko ekilibratua izan da, antzeko mantendu da. Eta azkenik, Europar Batasuna, Amerika, Afrika eta Asiako jatorria dutenena. Hazten doan joera da hau, Europa ez ko­mu­ni­tateko jatorria duten he­rritarren antzera.