Urtero bezala, Zuhaitz Eguna antolatu du Udalak, azken urtean jaiotako astigartarrei ongi etorria emateko. Igandean izango da eta iaz jaiotako 79 astigartarren gurasoek astigar bana aldatzeko aukera izango dute. Hala, biak elkarrekin hazi eta batera botako dituzte sustraiak Astigarragako lurretan. Udalak dei egiten die gurasoei animatzeko.
Eguerdiko 12:00etan izango da iazko leku berean: Taula baserritik gora, Larraburu baserri inguruan dagoen zelaian.
Oinez joateko gomendatu dute eta ahal dutenek aitzurra eramateko eskatu.