Ikurriñari omenaldia egingo diote apirilaren 12an

Ikurriñaren aldeko herri ekimenak agerraldia egin zuen larunbatean eta ekimen honen manifestuaren berri eman zuten. «Inposaketen aurrean, herri gisa erantzutea ezinbestekoa» dela uste dute eta Astigarragan egingo diren ekimen eta dinamiketan parte hartzeko deia luzatzen diete herritar guztiei.
Hasteko, Ikurriñari ome­nal­­dia egingo diote apirilaren 12an. Eguerdiko 12:30etatik aurrera izango da, Foru plazan. Horrez gain, Aberri Egunean, hau da, apirilaren 20an, etxeetan Ikurriñak zabaltzeko dei egiten diote Astigarragako herriari.
Ikurriñak erosteko aukera ere izango da, hiru egunetan: ostiral honetan, 19:30etan Joseba Barandia­ran plazan, apirilak 5ean eta apirilak 12an.
Manifestuak hala dio, bes­teak beste: «Espainiako ban­de­ra zigor mehatxupean eza­rri­tako sinboloa da gure era­kun­dean, herritar gehie­nen nahia­ren kontra, eta astigar­tarren borondatea­ren aurrean erres­petu falta adierazten du. Baita askatasunez eraba­kitzeko eskubidearen ukapena ere».
Ekimen herritar hau abian jarri da, Astigarragako Udalak Espainiako bandera jartzeko agindua duelako, udaletxeko balkoian. Beran­duenez, apirilaren 21ean.