Asteazkenean bota zuten Bostak S.A. enpresa izandakoa. Paper inprenta eta plastikoak egiten ziren enpresa horretan, 1985ean itxi zen arte. Hernaniko Etxeberri auzotik Ergobiarako atzeko bidean zegoen kokatuta, Ergobiako zubiaren ondoan, trenbidearen eta errekaren artean.
UTE Ergobia Hiru Lan enpresa da eraikina botatzeko kontratatutako enpresa. Euskal Trenbide Sareak kontratatu du, hain zuzen, bertatik pasako delako AHTa edo euskal Y.
AHTa, Astigarragatik Irun eta Donostiara
Obrak noiz bukatuko diren inork ez daki. Zehatz-mehatz AHTa nondik pasako den ere ez, oraindik. Baina, behin-behinekoak badira ere, planoak eginak daude.
Eusko Jaurlaritzako Etxebizitza, Herrilan eta Garraio Saila eta Euskal Trenbide Sarea dira AHTa egiteko obraren arduradunak. Bostak enpresa botatzeko UTE Ergobia Hiru Lan kontratatu dute, eta behin eraikina botata, lurra moldatzen hasiko dira. Ergobiatik Astigarragara egingo du trenak.
Puntu garrantzitsua izango da Astigarraga AHTarentzat, bitan banatuko baita bertan: bide batek Irun aldera egingo du, eta besteak, Donostiara.
Euskal Trenbide Sarearen webgunean zehazten denaren arabera, puntu garrantzitsua izango da Astigarraga AHTarentzat, bitan banatuko baita trena bertan.
Astigarragako errotonda nagusiaren ondoan egingo da banaketa hori, Urumeako autobia, Martutene edo Oiartzunerako bideak hartzeko errotondaren ondoan hain zuzen, eta Donostiako bigarren zinturoiaren ondoan. Bertan, trenbidearen zati batek Irun aldera joko du, handik Iparraldera sartzeko, eta besteak, berriz, Gipuzkoako hiriburura, Donostiara, alegia.