Giza eskubideen defentsan, Guatemalako kasua ikusgai

Giza Eskubideen defen­da­tzai­­leek Guatemalan egin­da­ko la­na ikusteko aukera izan­go da asteartean Biterin. Visibilizacion de las mujeres defensoras de Guatemala, vidas y retos dokumentala ja­­rriko dute iluntzeko 19:00­etan; solasaldia izango da ondoren, zalantzak argitu eta galderak egiteko. Do­ku­mentala Mugen Gainetik GKEren lana da, eta Her­na­niko Udalak ekarri du, au­rrera daramazkien sen­tsi­bili­­­zazio egitasmoen  harira.

Claudia Samayoak aurkezpena eta azalpenak
Guatemalan jaio, bizi eta giza eskubideen alde lanean ari den Claudia Samayoa izan­go da Hernanin astea­r­tean. Bera izango da do­ku­men­tala aurkeztu eta on­do­rengo azalpenak eman­go di­tuena. Claudia Gua­te­malan lanean aritutakoen ar­tean dau­de: Guatemalako Giza Esku­bi­deen Denfen­tsa­k­o Koor­dina­tzailea; Rigoberta Men­chú fundazioko zuzen­daria, unibertsitateko kate­dra­duna... Mundu mailan tai­ler eta hitzaldiak eman­dakoa da Claudia Samayoa; pren­tsan argitalpen asko egindakoa; eta boluntario gi­sa ere, lanean aritutakoa.

«Giza Eskubideen alde salaketak egiten dituztenek eraso gogorrak jasaten dituzte: bahiketak, bortxaketak, hilketak...»

Guatemalan egiten ari diren lana, «konplexua»
Giza Eskubideen Denfentsan munduko lurralde askotan egiten da lana, eta ez du zertan lotura izan konflikto egoeran bizi den herrial­deekin. Asteartean anto­la­tutako proiekzio eta solasal­dian Guate­ma­lako kasuaz hitz egingo dute. Kronikara bidalitako oharrean azaldu dutenez, Giza Eskubideen denfentsan Guatemalan lan egiten dutenek errealitate konplexua bizi dute: «2011 urtean esaterako, giza eskubideen defentsan ari direnen kontrako 495 eraso  erregistratu ziren. Horietatik %81a, 402 hain zuzen, ka­talogatu zituzten eraso gisa. Telefono mehatxuek, jazar­penek, erasoek, bahi­ketek, erailketek, bortxa­ke­tek... eraso guztiek helburu bera dute, Giza Eskubideen alde egiten ari diren lanarekin bukatzea. Azken urteetan egoerak ez du hobera egin».

«Boterea duten sektoreen interesak daude tarteko, eta  hortik, kontrako jarrera»
Giza Eskubideen defentsan egiten ari diren lan horrek min egiten die boterea duten sektoreei, eta arazo asko hor­tik datozela azaldu dute: «be­re estatusa arriskuan ikus­ten dute askok eta es­kuar­tean dituzten me­ka­nis­mo guztiak onak dira, egiten ari garen lana gelditzeko: hilketak, intimidazioa, ge­zu­rrak esa­tea, biolentzia, bor­txaketak... Gua­temalan ka­suen %98ak inpunitatea du­te. Indigenak bizi diren lu­rral­deetan esa­terako, oi­narrizko giza esku­bideetan atze­ra pausuak eman dira az­ken urteetan. Eta lurralde es­kubideen de­fentsan kasuetan, egoera ere larria da. Kasu askotan, iparraldean esaterako, Mexi­kora joan-etorria egiten duen dro­garen ruta bertatik pasa­tzen  baita».