Abesti klasiko eta modernoak, Hernasax eta Donostia Brassen eskutik

Musikaz gozatu eta gozatu araz­tea da gaurko kon­tze­r­tuaren nahietako bat. Her­nasax talde hernaniarrak eta Donostia Brassek be­de­ratzi abestiko errepertorioa an­to­latu dute, Milagrosan, 19:30­etan eskainiko duten ema­nal­dirako. 
Saxo, piano eta perkusio hotsekin interpretatuko di­tuzte Hernasaxen lau abe­s­tiak: The Lone Arrange Goes Sax Mad!, Slavonic Dance nº8, St. Paul´s suite Op. 29 Nº2 eta Czárdás. Roberto Pachecok zuzenduko ditu 18 musikari hernaniarrak. Donostia Brass taldeak haizezko metal int­sumentuak eta perkusioa uztartzen ditu bere ema­nal­dietan.Juan Carlos Ribellesek eta Erlantz Fernandezek egiten dituzte zuzendari eta irakasle lanak. Gaurko ema­naldian taldea osatzen duten bederatzi musikariek joko dituzten abestiak hauek dira: Fiesta gitana en el Sacro mon­te, La Storia, Marcha fúnebre de una marioneta, Amapola eta Kraken. 

Musika Banda Lekeition, igandean
Hernaniko Musika Bandak Lekeitioko elizan du hu­rren­go zita. Igandean, Roberto Pa­checok zuzenduta, bost abes­tiko kontzertua emango du­te, iluntzeko 20:00etan ha­sita: Overture to a new age, La torre del oro, Grabiel´s Oboe, Disney Fantasy eta West side story (1957).