Administrazio publikoak sortzen duen aberastasuna Hernaniko enpresa ezberdinei nola banatu azaltzen duen proposamena bidali dio EAJ alderdiak Alkateari. Proposamen horren berri emateko prentsa oharra bidali du Kronikara. Oharrean dio, kontratazio zuzenak egiterako orduan, Udalak prozedimentu bat jarraitu beharko lukeela: «Udalarekin eta Ongintza Patronatuarekin lan egiteko prest dauden enpresa guztien artean, beharren araberako baremoa zehaztu beharko litzateke. Asmoa da, arotz, elektrizista, pintore... arlo ezberdinetako beharretarako 4-5 enpresatako taldeak sortzea, bakoitzaren datuekin: orduko prezioa, prestutasuna, erantzuteko gaitasuna, lanerako dituzten medioak...».
EAJk dio, espero dutela prozedimentua berehala martxan izatea, eta hilabeteren buruan, aurreselekzioa egina izatea».