Kaxkoa garbi mantentzeko kartel lehiaketa, martxan

Kaxko historikoa txukun mantendu nahi du Kaxko Elkarteak. Mezu hori za­bal­du eta herritarren artean txu­­kuntasunaren dinamika sortze aldera, Kartel Le­hia­ke­ta antolatu dute. Irekia da, hortaz, eskatzen diren bal­­dintzak betez gero, edo­nork hartu dezake parte.

Kartelaren oinarriak
Jatorrizko lanek 42x59cm-ko tamaina izan behar dute eta edozein modalitate artistiko eta kolore onartzen dira. Bi formatutan entregatu behar dira: kartoi lumazko eus­karrian eta formatu di­gi­talean. Azken honek lehen aipatutako neurriak, 300­ppp-ko erresoluzioa eta CMYK formatua izan behar di­tu. Txukuntasunaren dina­mika herritarrei bar­ne­ra­tzeko asmoz, kartelak lemaren bat izan behar du; esaterako: Kaxkoa txukun-txu­kun, Kaxko garbia, zer­ga­tik ez?, Zure herria maite ba­du­zu, zaindu... Jabetza intelektualari da­go­kionean, lehiakideak izan­go dira honen jabe, eta baita aurkeztu litezkeen errekla­mazioen arduradun ere.

Epeak eta sariak
Kartelak maiatzaren 19a bi­tar­tean entregatu litezke, Kax­­ko Elkarteko egoitzan, as­teazkenetan, 19:30etatik 21:00­etara. Sinadurarik gabe en­tre­gatu behar dira, kar­ta­zal itxian, eta egilearen ize­na, hel­bidea eta datuak zehaz­tu­ta. Sarituen berri maiatzaren 21a baino lehen emango dute.
Hiru sari izango dira: 400 euro irabazlearentzat, 200 euro bigarrenarentzat eta 100 euro hirugarrenarentzat. Erabakia apelaezina izango da eta saritutako obra Kaxko Elkartearentzat geratuko da. Bestalde, saririk jaso ez eta justifikazioa eramaten du­tenei, itzuli egingo zaie in­prentako gastua.