Goizuetako Udalak ikastaro bat antolatu du nekazaritza ekologikoari buruzkoa. Modu naturalean, lurra nola landu eta izurrite eta gaitzen kontra zer egin erakutsiko dute ikastaroan. Apirila eta maiatzean zehar izanen da, eta asteazkenean bukatzen da izena emateko epea. Interesa dutenek, udaletxean apuntatu behar dute. 18 orduko ikastaroa izanen da, hau da, apirilaren 5ean hasita, bost larunbatetan jarraian, goizez. Alde teorikoa eta praktikoa landuko dituzte, Arrea elkartearen eskutik. 20 laguneko taldea osatzen bada, pertsonako 50,20 euro ordaindu beharko dira. Jende gehiago animatzen bada, merkexeago aterako da eta gutxiago bada, garestixeago. Hori dena zehaztuko dute apuntatzen diren herritarrekin.