Kaxko elkartearen nahietako bat da Hernaniko Kaxko historikoa txukun mantentzea. Bide hori bultzatze aldera, kartel lehiaketa antolatu dute, eta partehartzea irekia da. Kartelak bete behar dituen baldintzetako batzuk dira: 42x59cm-ko tamaina izatea; kartoi lumazko euskarrian eta 300ppp-ko erresoluzioa duen formatu digitalean entregatzea; eta lemaren bat izatea. Entregatzeko epea maiatzaren 19ra arte dago zabalik; Kaxko elkarteko bulegoan entregatu behar dira asteazkenetan, 19:30etatik 21:00etara; sinadurarik gabe, kartazal itxian, egilearen izena, helbidea eta telefonoa jakinarazita. Irabazlea maiatzaren 21 baino lehen esango dute eta hiru sari egongo dira: 400 euro, 200 euro eta 100 euro.