Apustua izeneko lanarekin, Portugaleteko Uri Urena Komiki Lehiaketaren bigarren saria irabazi du Alai Zubimendi hernaniarrak. Istorio sinplea kontatzen du Zubimendik: joan den mende hasieran, Euskal Herriko edozein baserri inguruan kokatutako istorioa da, harrijasotzaile eta apustu girokoa. Sariarekin oso pozik dela azaldu dio Kronikari: «oso garrantzitsua da niretzat sari hau, kontuan izan behar baita, Euskal Herriko komiki lehiaketa zaharrenetakoa dela eta sari onak banatzen dituela».