Hernani, 2010 urtea. XXIgarren mendea

( Andoni Amonarraiz Gómez EAJ-PNVko bozeramailea (*Erredakzioan euskeratua) ) Sinestezina da botereak pertsona batzuengan duen eragina. Eta bai­ta bere burua zapaldutzat edo tratu txarra jasandakotzat jotzen dutenengan duena ere. Botere pixka bat hartzen dutenean herria meha­txatu eta inposaketa erabiltzen du­te, lo­tsarik gabe eta legeak esaten duenari kasurik egin g­abe. Gogoeta hau hernaniar ba­tzuk jaso duten gutunaren ondorioa da. Gutun horietan azaltzen de­nez, bilketa zutabeetan za­borra zintzilikatzen ez badute, Udalak espedienteak zabalduko dizkie. Nik zalantza batzuk dituk: urik ez bada kontsumi­tzen, isunak jarriko al dituzte? Ordenan­tzako zein puntutan behartzen zaie hernaniarrei egunero zaborra sortzera? zer gertatuko da inspekzio egunek zaborra jaitsi ez duten egunekin koinziditzen ba­dute? Gogorarazi nahi diet `herriaren zati bat isilarazteko denak balio du´ esaten zutenei, herritar guztiek dituztela errespetatu beharreko eskubide batzuk, eta Hondakinen Ordenantzan au­rrei­­kusitako isunak jartzeko, betetzen ez den legea demostratu behar dela. Eta are garrantzitsuagoa oraindik, probaren pisua akusazioa egiten duenak duela; susmo eta usteek ez dute ezertarako balio. Orain hilabete izan nuen au­rrez aurreko batean, Alkateak ha­rro­ke­riaz esan zidan `atez atekoa mar­txan jarri zenetik hondakin toneladak murriztu direla Her­nanin´. Eta orain zer gertatu da, esaten zuena ez al zen egia?, basura-turismoa dagoenaren susmoa al du? dagoeneko konturatu al da hernaniarrek ez dutela atez atekoa nahi? XXIgarren mendean, legegin­tzaldi amaieran, Gobernu Taldeak hernaniarrak mehatxatu behar baditu euren eginbeharrak betetzeko, azken hiru urte eta erdi hauetan ez dute hernaniarrekin konekta­tzea lortu. Euren partehartze politikak ez du ezertarako balio izan, eta aurrean dutenaren iritzia beraienarekin ez badator bat, ez dute errespetatzen. Garai ilun hau laister bukatzea espero dut.