Ingurumena eta elikadura zaintzeko proposamenak, udaletxera

Agenda 21 programaren ba­rruan, Ingurumena, Elikadura eta Ekologia gaiak landu dituzte Astigarragako Herri Es­ko­lako Lehen Hezkuntzako ikasleek.
Gaiak landu ondoren, ostegunean udaletxera joan ziren, alkateari konpromisoak eta eskaerak aurkezteko. 
Andoni Gartzia alkateak adi entzun zituen eskari guztiak, eta ahal duen neurrian, jarritako etxerako lanak egiten saiatuko zela agindu zien. Era berean, hartu beharreko neurri horien inguruko azalpenak eman zizkien. Besteak beste, ikasleek eskatu zuten: baratza ekologikoak egitea eta familiei uztea; bertako baserritarren produktuak eta elikagai ekologikoak sustatzea; gai kimiko gutxiago erabiltzea; karobiak, herriko ondareak eta Medio­tuboko iturria berreskuratzea; etxebizitza gutxiago egitea,  Santiagomendi garbi­tzea edota zuhaiz gutxiago moztea.