Maiatza eta ekaina bitartean, aukera izango da Norberto Almandoz Musika Eskolan matrikulatzeko, instrumentu aldaketak eskatzeko, eta kontzertuak entzuteko.
Bilera informatiboa eta ate irekiak
Ezer egin aurretik, Musika Eskola ezagutzeko aukera izango da: maiatzaren 6an, 19:30etan, bilera informatiboa egingo da, eta maiatzaren 9an, 11:00etan, ate irekiak egingo dira. Bertan, kontzertu pedagogikoa emango da, Musikarien Autobusa, instumentuak ezagutu eta probatzeko. Hau, Musika Eskolan eta Elizan egingo da.
Bajak eta matrikulak
Baja emateko edo instrumentu aldaketa eskatzeko aukera, berriz, maiatzaren 7 eta 8an izango da, 17:00etatik 20:00etara.
Bestalde, matrikulatzeko, bi aukera izango dira: Musika Eskolan bertan, maiatzaren 11 eta 12an, 17:00etatik 20:00etara, edo on-line, maiatzaren 11tik 15era.
Kontzertuak, ekainera arte
Oraingo ikasleek lanean segiko dute, hainbat kontzertu emanez, ekainera bitartean.