Gaur hernaniarrek beraien postontzietan ikusiko duten bezala, eskaintza berezi bat jarri du Udalak, Hernani’n Musik ekimenaren bitartez. Joxan Goikoetxea musikari hernaniarrak bere lan berria estreinatuko du ostiralean, Zeru horren infernuak. Shakespeare-Sonetoak izenekoa. Udalak aukera horri heldu dio hernaniar guztiei herrikidearen musika eskaintzeko, eta Ez dolu egin kantua bere web gunean jarri du, nahi duenak bertatik doan eskuratzeko. URLa edo QR kodea erabili daitezke.
Goikoetxearen proiektu berri honetan, musika, literatura, kultura, komunikazio eta euskera munduko 150 ahots eta artistatik gora bildu dira. Tartean dira, hainbat hernaniar: Roberto Yaben, Juanjo Otxandorena, Iosune Marin, Amaia Azkue, Jon Mari Beasain eta Alan Griffin.
Sarrerak, Biterin
Emanaldia Biterin izango da, 20:00etatik aurrera. Sarrerak bertan daude salgai, 7 euroan.