GRAVNI txapelketako finalak jokatuko dira asteburuan, eta zenbait hernaniar ariko dira, Gipuzkoarekin, Bilboko Bizkaia frontoian. Gaur, trinketeko finalak izango dituzte, 10:30etan: jubeniletan Amaia Araiztegi Hernaniko taldeko palista ariko da, Gabirondo donostiarrarekin, Iparralderen kontra; eta 22 urtez azpikoetan, Amaia Irazustabarrena eta Ariane Arrieta hernaniarrek, Nafarroa izango dute aurkari. Eta bihar 10:00etan, ezker hormako finala izango du Maider Huizik, Arabaren kontra, 22 urtez azpikoetan.