Aho batez onartuak, harrobiko betelana, eta Zarkumendegiko bidegorria

Zarkumendegirako bide­go­rria egitea aho batez onartu zen osteguneko Plenoan, nahiz eta hori gauzatu ahal izateko kreditu aldaketa onar­tzearen inguruan desadosta­sunak izan ziren. 
Bestalde, aho batez onartu ziren, baita ere, Txoritokietako Haitz-Lepoa harrobian bete­lana egiteko hitzarmena; Hiri Antolamendurako Plan Oro­korrean aldaketa egitea Ani­bar-Mendiaundi eta Bidebi­tar­te inguruei dagokienean; Ubarburu poligonoko 35ga­rren partzelaren inguruko az­ter­ke­ta txostena; Aterpetxe natur-eskolako baldintza ple­gua, kontu-hartzaileak egin­da­ko ekarpenak kontuan har­tu­ta; emergentziazko pisuaren arau­tegia; kiroldegiko al­da­ge­lak era­berritzea; eta urgen­tziaz sar­­tutako proposamena, Er­go­bi­ako bizilagun batzuek 4.000 eurotik gorako obra tasa bat ordaindu behar ez iza­teko salbuespena ezar­tzeko.

Bidegorria onartuta, baina kreditu aldaketarekin desadostasunak
Zarkumendegirako bidegorria egitea aho batez onartu zen osteguneko Plenoan. Andoni Gar­tzia alkateak azaldu zuen hitzar­me­­na lortu dela Foru Al­dun­di­a­rekin; horrela, 885.000 euro­ko aurrekontua duen proiektu honen %67 or­dain­duko du Aldundiak, eta gai­nerako %33 Udalak.
Hala ere, aho batez onartu bazen ere, EAJ azaldu zuen helegitea jarri zuela: «obra zatika ez egitea eskatu dugu. Kreditu aldaketa egingo da dirua gehitzeko, baina, hala ere, ez da iristen».
Alkateak azaldu zuen Al­dun­diarekin hitzarmena si­na­tzeko zain egon direla. «Ez genuen zifrarik jarri, ez genekielako. Orain, badakigu aurrekontua 885.000 eurokoa dela, eta Udalak 2015ean bermatu nahi du kreditu aldaketa. Horrela, obra guztia esleituko da».

626.746 euroko kreditu gehigarria onartu zen, hainbat proiektutarako.

Hamaikabatek, bere alde­tik, Gobernu Taldea kritikatu zuen otsailean aurrekon­tuak onartzean proiektua ez sartu izanagatik, eta orain kreditu aldaketa bat proposa­tzea­gatik. «Proiektua aurrekontu­e­tan sartzea nahi genuen, eta ezetz esan zenuten, baina pozten gara azkenean egingo delako. Hauteskundeak urtero egin beharko ditugu».
Alkateak erantzun zion: «emendakina jarri zenuten obra bi fasetan egiteko. Hori bota genuen atzera, erokeria zelako. Bidegorria guretzat es­tra­tegikoa da, eta ho­rre­gatik bul­tzatu dugu proiektua idaz­tetik hitzarmena lortu arte».
Obra egiteko kreditu al­da­ke­ta EH Bilduren aldeko bo­to­ekin, EAJren abstentzioarekin eta Hamaikabaten kontrako botoarekin onartu zen. Guz­ti­ra, 626.746 euroko kre­ditu gehigarria onartu zen, hain­bat proiektutan gehitzeko: 50.000 euro, merkataritza pla­ne­rako; 20.000, uholdeak eki­diteko lanentzako lagun­tze­tarako; 9.500, herri bara­tze­tarako; 390.976, bide­gorrirako; 24.000, uholdeen aurkako az­pi­egituretarako; 100.000, ikas­to­lako ater­perako; 12.000, haur eskolako inbertsio­eta­rako; eta 20.000, enplegu ber­dea sus­tatzeko, Behemen­di­ra­ko. 
EAJk egindako galderari erantzunez, alkateak azaldu zuen: «diru sarrera gehiago daude, eta Udala egokitu egin da errealitate horretara». EAJk, berriz, erantzun zion: «nahiz eta zuek Plan Orokorra beti kritikatu, hirigintza aprobetxamendutik espero baino gehiago jaso duzue».

Lau-Haizeta parkearen inguruko mozioa, onartuta
Harrobiko betelanarekin lotu­ta, Eguzki taldeak mozioa aur­keztu zuen, parkeari bultzada eman eta erreserba akustiko baterako gunea sortzeko. Onartu egin zen, EH Bilduren aldeko botoekin eta EAJ eta H1!en abstentzioarekin.