Garitanok hernaniarren proiektu eta kezkak ezagutuko ditu gaur

Herritarrekin herrira ekime­na­ren barruan, Martin Garitano Gi­puzkoako diputatu nagusia Her­nanira etorriko da gaur. Al­dun­diko beste ordezkari ba­tzu­e­kin, egun osoko bisita egin­go du. He­rriko ordez­kari politikoekin eta herriko eragi­leekin bilduko da her­na­niarren proiektuak eta kez­kak gertutik ezagutzeko asmoz.
Honako taldeekin bilduko da Garitano: udal ordezkari eta langileekin, prentsarekin, azo­ka bisitatuko du, enpresa arlo­ko bisita egingo du, kirol insta­lazioak bisitatuko ditu eta he­rriko eragileekin bilduko da.

Bilera irekia, herritarrekin
Arratsaldeko 19:00etan, herri­ta­rrentzako bilera irekia izango da Biteri kan­poaldean. Herrita­rrek galderak eta iradokizunak egiteko auke­ra izango dute.

Galderak bildatzeko aukera
Bilerara azaldu ezin dutenek ere izango dute aukera galde­rak eta iradokizunak egiteko. Horre­ta­ra­ko, hiru bide jarri dituzte: kabinetea@gipuzkoa.eus; twitter bidez, @Herritarrekin; edo udaletxean utziz.