Zarkumendegira bidegorria egiteko hitzarmena aztertuko da biharko Plenoan

«Herritarren urteetako es­ka­era zen herria eta Zar­ku­men­degi modu seguruan, ho­rrelako bide baten bitartez lotzea», azaldu du Udalak.
Hitzarmena egina du Udalak Gipuzkoako Foru Al­dun­diarekin, Zar­kumen­de­gi­ra bidegorria egiteko, eta bi­harko Plenoan hitzarmena berretsi eta lehiaketa pu­bli­koa mar­txan jarri nahi dira. Au­rre­kontua 885.000 euro­koa izango da; Aldundiak %67 finantzatuko du, eta As­ti­garragako Udalak %33. La­nek 8 hilabete iraungo dute, eta 2016ko hasierarako bi­de­go­rria prest egotea espero dute.

Bidegorriak, bi tarte
Bi tarte izango ditu bi­de­go­rriak. Batetik, Iparralde bi­de­an, Lizardi baserritik au­rre­ra, errepidearen baz­te­rra mu­gatuko da. Bestetik, GI-2132 bidegurutzetik Zar­ku­men­de­gira errepidea za­bal­du eta mugatuko da Bereziartua eta Irigoien aldean.