Hautestontzi erraldoia atzo, eta erabakitzeko eskubidea bihar

Udaberri Festa ospatu zuten atzo, Ave Maria parkean, erabakitzeko eskubidea aldarrikatzeko. Denetik izan zen bertan. Hasteko, herriko kirolariak aritu ziren lehian, proba berezietan, mozkortu antzean ere bai. Ondoren, bakoitzak apaindutako oihal zatiak elkartu, eta oihal erraldoi bat osatu zuten denen artean. Eta bukatzeko, oihalak hautestontziari itsatsi zizkioten, hautestontzi erraldoi bati, biharko egunean erabakitzeko eskubidearen oinarria izatea nahi dutena. Eta bitartean, hamaika herrialdetako pintxoak, dantza saioak, abentura jolasak... izan ziren, egunaz gozatzeko. Atzoko irudiekin, bideoa osatu du Kronikak, eta ikusgai dago interneten: www.kronika.eus web orrian, edo argazkiko QR kodigoa eskaneatuta, smartphone edo tabletarekin.