Ezker Paretako finalerdiak jokatuko dira gaur Hernaniko frontoian, arratsaldeko 16:45etan hasita.
GRAVNI Txapelketa honetan jokatzen ari dira hainbat hernaniar, baina zuzenean finalerako sailkatu dira batzuk. Horien artean daude, Maider Huizi, Ezker Paretako 22 urte azpiko mailan, eta Ariane Arrieta eta Amaia Irazustabarrena, Trinketeko 22 urte azpiko mailan. Partidu hauek datorren asteburuan jokatuko dira, Bizkaia pelotalekuan.
Bestalde, bihar, Trinketeko finalerdietan ariko da Ariane Arrieta, senior mailan, eta Amaia Araiztegi, berriz, jubeniletan.
Udaberri Txapelketan ere, aurrera
Era berean, hernaniarrak Udaberri Txapelketan ere murgilduta dabiltza, buru-belarri. Gaur goizeko 09:00etan Intxurreren aurka jokatuko du Hernanik, etxean, eta bihar, 11:00etan Su Berriren kontra, Anoetako Alkartasuna frontoian.