Mailaz jaisteko arriskua ia atzean utzi du Mundarrok, azken aldian lortutako garaipenei esker. Hala ere, oraindik ez da segurua eta biharko partidua bereziki garrantzitsua izango da bide horretan. Irabazi edo berdinduko balu, orduan bai izango litzateke segurua. Hori horrela, herrritarrei dei egiten diete Zarkumendegira azaltzeko eta bihar arratsaldean beste planik ez egiteko: «animoak eskertuko genituzke».
Pasaiaren aurka jokatuko dute arratsaldeko 16:00etatik aurrera.
Lau partiduren faltan
Biharkoa kontuan hartuta, lau partidu geratzen zaizkio Mundarrori liga bukatzeko. Moreak 12garren postuan daude 25 punturekin. Azken postuan Munibe dago 12 punturekin, beraz, emaitza txarrak lortuta ere, Mundarrok aurretik bukatuko du liga. Pasaia, ordea, azkenaurrena dago, 15 punturekin. Gaur galdu edo berdinduko balu, ezingo luke Mundarro baino hobeto bukatu liga. Bihar erabaki liteke dena.