«Badira 23 urte festa hau egiten dugula Hernanin, eta beti izan dugu oso harrera ona, babes eta laguntza haundia». Eta aurten ere, jendea animatzea espero dute, Extremadurako Jardunaldien antolatzaileek. Asteburu honetan izango dira: bihar, Extremadurari buruzko bideoak emango dituzte Biterin, 19:30etatik aurrera.
Postuak eta dantza saioak, igandean
Egun nagusia igandea izango da, eta 10:00etatik aurrera, hango produktuekin postuak jarriko dituzte Atsegindegin. Pintxoak eta ardoa dastatzeko aukera ere izango da.
Eta dantza saioak ere eskainiko ditu Virgen de Guadalupe taldeak, 13:00etan eta 18:00etan.