48 orduko greba deitu dute sindikatuek Osakidetzan, asteazkenean gaueko 22:00etan hasita. Hortaz, gaur gauera arte luzatuko da deialdia, eta Hernaniko anbulatorioan ere izaten ari da eragina osasun zerbitzua emateko garaian, hainbat langilek egin baitute bat grebarekin.
Izan ere, Osakidetzako sindikatu guztiek egin dute grebarako deialdia; SATSE, ELA, LAB, SME-FFHH, CCOO, UGT eta ESK sindikatuek, hain justu.
30.000 langile, deituta
Modu horretan, 30.000 langile deitu dituzte grebara. Sindikatuek salatu dute Osakidetzak «3.000 lanpostu suntsitu» dituela, «lanaldia luzatzea inposatu» dietela, eta soldatak jaitsi.